Dugnaðarforkurinn Ásdís!

Ég er sko búin að vera geggjað dugleg í dag. Vaknaði um 10 leitið og fór að vinna frá 11 til 1.

Kom svo heim og skúraði alla efri hæðina. Tók svo eldhúsið mjög vel í gegn hjá mér og þreif svo baðherbergið hátt og lágt nema hilluna á hana eftir. Svo fór ég að ná niður þvottinum hjá mér og braut náttla saman hitt og gekk frá því. En svo kíktum ég og Gummi smá rúnt, fórum í Samkaup og keyptum okkur að borða og svona. Svo reyndar sofnaði ég í svona 1 klukkutíma og Gummi vakti mig til að koma að borða.

Það sem er helst að frétta samt af okkur hér er það að ég er farin að keyra hérna   Er sko líka geggjað stolt af mér. Svo er ég í fríi um helgina þannig að ég er að spá í að reyna að fara upp á Egilstaði á morgun. Komast í Bónus og svona.

Veðrið hefur ekki verið upp á marga fiska fyrir sunnan síðustu daga en vonda veðrið kom ekki hingað fyrr en í gærnótt. En það var greinilega mjög hvasst vegna þess að það hafði fokið kerra og hún lá brotin á miðjum vegi.

En eitt sem ég fatta sko alls ekki, það er hvað sumt fólk er furðulegt það er búið að loka veginum en fólk fer samt yfir ég meina hversu heimskur er hægt að vera. Er ekki nær að leyfa björgunarsveitunum að vinna við þarfara verkefni heldur en að hjálpa einhverjum vitleysingum sem urðu að gá hvort þeir kæmust ekki yfir.

Öskudagurinn var mjög sérstakur það var sungið alveg helling fyrir mig og fullt af nammi var gefið þann dag en nú ætla ég að fara að horfa á Spaugstofuna. Blogga meira seinna BÆJÓ

Að vera sjálfráða

Er ekki inn í myndinni lengur. Nú er mikið verið að tala um Reykingafólk og skemmtistaði , fullt af skemmtistöðum hafa verið að leyfa fólki að reykja inni og það versta sem ég veit um var á einum skemmtistað þá mátti maður fara út í 2 mín að reykja. En ekki að þetta komi mér til neins nema góðs þar sem ég reyki ekki og hef ekkert á móti því að anda að mér fersku lofti.

Bolla, Bolla Feitabolla sko það sem mér þykir ennþá fáránlegra er að einhver staðar í Bandaríkjunum á að fara að banna matsölustöðum að selja OFFITUSJÚKLINGUM skyndibita, er þetta nú ekki orðið fullgróft, af hverju þá ekki bara að hætta með þessa skyndibitastaði það ætti bara að vera eitt fyrir alla og allir fyrir einn. Með þessu er bara verið að mismuna fólki og hvernig á þetta að vera ætla að búa til smá auglýsingu. Matsölustaðurinn Strikið einugis fyrir 50 kg og minna.  Haha sá alveg fyrir mér að það væri viktað fólkið sem kemur inn. Allt er nú til.

Það er nú samt ekkert að frétta af mér. Var að vinna í dag til klukkan 7 og var svo Með Sveinu og Svövu að skúra fór svo heim til Sveinu að borða Saltkjöt og baunir og er að sjálfsögðu búin að prumpa síðan ég kom heim.

Var að fá boðskort í dag í fermingu til hans Þorsteins míns og er að vona að ég komist. Það er bara það versta að ég og Gummi erum bæði að vinna þessa helgi og eigum engan aukapening urðum að borga parketið sem var hvorki meira né minna en 60.000 kr sem við urðum að punga út þennan mánuðinn. En við verðum bara að sjá til þegar nær dregur. Mér þætti ég svo vond manneskja að koma ekki þannig að ég reyni mitt besta.

Yfir baunasúpunni kom Svava með bestu mismæli sem ég hef heyrt og það er - Það er náttla ekkert smá sem er búið að kyngja niður af súpu síðustu daga. Átti náttla að vera snjó. Held ég hafi líka aldrei hlegið eins mikið og áðan þegar Svava var að keyra mig heim.

En jæja ætla að hætta þessu blaðri núna blogga KANNSKI meira á morgun. Ætla að setja hér inn eina góða mynd sem ég náði af Lillu að leika sér í snjónum Njótið vel

 

Nú er ég sko lúin og búin á því :(

Maður veit aldrei hvernig maður á að byrja að skrifa í þetta blogg á þetta að fara að vera eins og þegar fólk skrifar dagbók og byrjar þá svona Kæra dagbók. Hei prufum þetta það er alltaf gaman að prófa einhvað nýtt.

Kæra Bloggsíða!

Hjá mér gerist aldrei neitt skemmtilegt lifið heldur bara áfram að ganga sinn vanagang en  ég hef mig aldrei í að gera neitt ( ekki allavega ef það er ekki inn á heimilinu). Er búin að ætla að kíkja til Svövu í ábyggilega viku eða einhvað en NEI hvað gerir maður eftir vinnu Leggst upp í sófa og byrjar að mygla þar  Hvernig ætli maður færi af ef það væri ekkert sjónvarp til??? Hvað myndi maður eiginlega gera. Minnir að Ma og Pa hafi verið að segja mér að þegar þau voru lítil þá var aldrei sjónvarp á Fimmtudögum. Það hlýtur að hafa verið skrítið.

Nýji meirihlutinn í Reykjavík hefur ekki átt góða byrjun virðist vera sem er nú kannski skiljanlegt voru vel teknir fyrir í spaugstofunni en mér fannst 2 í henni alveg eftirminnilega fyndið það var þegar þau voru þarna á bakvið það er að segja Villi og co þegar ólafur fer einhvað að spyrja hvað eru þau að kalla hættið við og þá sagði einhver Neinei þau eru að kalla Kæst svið :) Og svo í alveg bláendann þegar Löggurnar eru þarna og eru hjá einhverjum valtara og þá lemur önnu löggan í valtarann og segir hvað er þetta valtari og þá segir hin Nei, Ekkert miðað við Ólaf hann er miklu valtari :)

En helgin hjá mér gekk alveg stóraáfallalaust fyrir sig og ég skal segja ykkur einhvað aðeins frá henni.

Föstudagur: Vaknaði og mætti í vinnuna og gerði bara það sama og alltaf í vinnunni sem er ekkert til að segja frá. En þegar ég var búin að vinna þá kom Gummi og sótti mig og við elduðum pissu eða svona keypta úr búð, ( Hvað hún var á tilboði ) og svo var hún bara étin upp til agna og þá var svo bara horft á sjónvarpið.

Laugardagurinn: Vaknaði um 10 leitið og fór í tölvuna og svo ákvað ég að vera dugleg að fara að skúra hérna heima og svo er ég alveg rennsveitt, í Gúmmíhönskum og með skúringarskaftið í höndunum þegar það er bankað. Og er ekki bara Freydís fyrir utan, Mikið varð ég nú glöð að fá smá félagsskap, Gummi er nú ekki mikill félagsskapur þegar hann er sofandi. En já svo vorum við Freydís bara einhvað að spjalla og skoða í myndir og svona í tölvunni, svo ákváðum við að leigja mynd á skjánum leigðum mynd sem heitir Becose I said so og það er alveg snilldar mynd.

En svo kom Garðar og sótti Freydísi og við Gummi kíktum út í búð.  Svo hringdi Garða og spurði hvort við vildum panta með honum Pizzu og við sögðum náttla bara jájá þó að við værum að fara á Þorrablót svo koma þau um 6 leitið og við pöntum pizzurnar og þá er sagt að það sé svona 20 til 25 mínútna bið en svo bíðum við og bíðum og eftir klukkutíma gefumst við upp og hringjum aftur og þá á pizzan að vera farin út og við reiknum með að hún fari þá að detta inn bara en hún kemur svona 30 mín seinna og þá vantar eina pizzu og gosið og hinar pizzurnar eru orðnar ísskaldar. Held ég hafi bara aldrei lent í þessu áður en nóg um það ég og Gummi urðum að fara en Garðar og Freydís urðu eftir hérna og biðu eftir hinni pizzunni. Við verðum bara að endurtaka þetta og þá mun ekkert liggja á

En Þorrablótið var mjög vel heppnað í alla staði og er ég mjög ánægð með að hafa prófað það.

Sunnudagurinn: Vaknaði lagaði aðeins til og fór svo að vinna var að vinna til 6 og svo er ég bara búin að hanga fyrir framan tövuna og sjónvarpið fór reyndar í sturtu líka en núna sit ég hér og geri ábyggilega lengsta blogg sem ég hef gert.

Jæja Kæra bloggsíða nú kveð ég þig. Kannski nenni ég að blogga í þig á morgun það er að segja ef einhver kvittar í þig og biður og meira blogg. Þið megið líka alveg biðja mig um að tjá mig um einhver málefni. Ég get alveg tjáð mig um það þó að ég hafi ekkert vit á því.

 

Fréttir dagsins

Jæja þá er meirihlutinn sprunginn. Nú þykist ég hafa einhvað vit á þessu en í sannleika sagt hef ég aldrei verið sterk í svona stjórnmálum. En já allavega þá er Davíð ekki lengur borgarstjóri helgur Ólafur F Magnússon og verður hann fyrri hlutann og svo tekur Vilhjálmur við aftur.  Hehe það er skipt oftar um Borgarstjóra heldur en nærbuxur.

En það er meira nú er það komið fram að einhverjir keyptu föt fyrir hvorki meira né minna en 1.000000 væri alveg til í að fá þessa upphæð í fatapening sérstaklega þar sem maður er alltaf að skemma fötin sín í vinnunni fá í þau fitubletti og sollis.

Í dag ákvað ég að vera heima er alveg uppfull af kvefi og ógeði  er eiginlega bara búin að sofa í dag horfði reyndar á My girl í dag og það er svo góð en samt svo sorgleg mynd grenjaði og grenjaði yfir henni og svo í gær var ég að horfa á mynd sem heitir knocked up hún er líka rosalega góð.

Gummi var að elda hana mér slátur og kartöflur áðan og það var svo gott  En jæja blogga meira þegar ég nenni BÆJÓ

Blogg tími :)

Alltaf lofar maður öllu fögru um að ætla að verða dugleg að blogga en ég hef ekki enn sem komið er geta staðið við það. En ég ætla að koma með smá blogg núna.

Í dag vaknaði ég með smá ónot í hálsi og er frekar slöpp held ég sé komin með streptokokka  Og ég er svona frekar slöpp núna varð samt að fara að vinna aðeins áðan og kenna einni að baka  Annars er þetta fríhelgi hjá mér og ég ætla að njóta þess að vera í fríi. Ætlunin var að fara í barnaafmæli í dag en miðað við líðanina þá held ég að ég fari bara í kvöld.

Í gærkvöldi kom Snorri vinur Gumma í kaffi og það var voða gaman alltaf gaman að fá gesti

En jæja núna held ég að ég sé búin að blogga nóg í bili ætla að athuga hvort ég finni ekki einhvað skemmtilegt að blogga um ætla samt að segja ykkur frá svoldið skrítnu með Lillu. Sko á morgnana þegar ég er að vinna þá vill hún sko ekki fara á fætur en núna þegar loksins ég má sofa út þá byrjar hún að væla alveg eldsnemma svo ég gefst upp og hleypi henni út og er komin á fætur og svona og svo þegar ég er komin á fætur þá er hún alveg til í að sofa meira. Brosti meira að segja svona fallega til mín í morgun þegar ég var komin á fætur og hún upp í rúm Alveg hreint ótrúleg :)

4 Janúar 2008

Vá, ég trúi því sko ekki að það sé komið 2008. Maður má varla snúa sér við og þá er bara komið nýtt ár.

En ég hef haft það bærilegt og reynt að eyða bara miklum tíma með fjölskyldunni. Fór til dæmis í dag að passa Maríönu á meðan Geiri og Gummi fóru í rvk að kaupa þvottavél handa Aseneth, ég og maríana skemmtum okkur mjög vel en bara allt í einu þá fór hún að hágráta og ég var búin að gera alllt sem ég gat til að hugga hana og svo allt í einu var Brandur farinn að gráta með henni  En svo lét á bara spænska tónlist á handa henni og þá róaðist hún. Svo þegar Aseneth kom heim þá horfðum við á Daddy day camp og meet the robinsons ( báðar voru rosalega góðar) en svo þegar Geiri og Gummi komu þá hjálpaði Gummi Geira að koma vélinni fyrir svo borðuðum við og svo fórum við Gummi heim til Mömmu.

Við vorum svo öll bara að hanga hér heima og fórum svo á Subway og fengum okkur Salat maður verður víst að fá einhvað sollis eftir allar kræsingarnar um jólin en svo komum við heim borðuðum og horfðum á útsvar og svo labbaði Ég, Gummi og Lilla til Sússu og co og sátum við þar í eina 3 tíma eða einhvað og bara að spjalla. Rosa fjör. Svo ætla ég að fara heim á Sunnudaginn og Mamma ætlar að koma með og vera í viku sem er bara gott og blessað.

Á morgun ætla ég að reyna að kíkja til Ömmu og fara svo í Rvk og kíkja í Ikea og sollis svo verðum við bara í afslöppun eftir það og þangað til á Sunnudag og svo fer ég að vinna á Mánudaginn.

En jæja höfum þetta nóg í bili Kossar og knús

Elsku Pabbi minn

Hér kveiki ég á kerti fyrir þig. Ég mun ávallt sakna þín og þú munt ávallt vera í hjarta mínu. Ég elska þig svo endalaust mikið og vildi að ég fengi meiri tíma með þér en ég allavega veit að þú kvelst ekki lengur. Ég veit bara að þú munt ávallt fylgja mér og passa upp á mig. Og þakka ég þér fyrir síðustu mínúturnar með þér.

 Ég elska þig alltaf. Kveðja Ásdís

Góða kvöldið :)

Nú er ég ´búin að eiga góða helgi. Er í fríi og var að setja kjöt í pottinn  En ég ætla aðeins að segja ykkur frá helginni.

Föstudagur: Var að vinna frá 9 til 6 gerði samt lítið annað þann dag nema glápa á sjónvarpið og svona horfði á útsvar en var svo bara komin á temmilegum tíma upp í rúm.

Laugardagur: Vaknaði um 10 leitið og var bara einhvað að dúlla mér til svona 11 fór þá og dró Gumma minn á fætur, byrjuðum á að skutlast í apótekið og svo var stefna tekin á Egilstaði stoppuðum reyndar og Reyðarfirði og Gummi keypti jólagjöf þar og svo var haldið áfram til Egilstaða. Þar var hoppað í kaffi til tengdó og var stoppað þar alveg ágætlega lengi Skárum út í laufabrauð og steiktum og fórum svo í jólagjafa innkaup og erum langt komin með þau. Svo eftir kvöldmatarleitið var haldið niður eftir aftur vorum komin heim um 11 þá var farið í að ganga frá og svo var bara farið að sofa.

Sunnudagur: Vaknaði um 10 og Gummi rak mig þá í sturtu og sagði að við værum að fara á Breiðdalsvík að hitta Þóru, Palla, Benedikt árna og Oddný eddu. En það var byrjað á því að koma við í vinnunni hjá Gumma og svo þegar það var búið þá var farið í að hringja í þóru en þá sagðist hún vera á leiðinni til okkar  Þannig að við fórum bara smá rúnt og svo heim.

Svo komu Þóra og tvíburarnir og það varð að forða öllu brothættu frá þeim. Þau stoppuðu í smá stund og héldu svo áfram að kíkja í heimsóknir. Eftir að þau fóru ákváðum við Gummi að leggjast upp í rúm í smá stund og kúra en það gekk ekki betur en það að ég skreið framm úr klukkan 5 henti kjöti í pottinn og nú sit ég hér og blaðra í ykkur  En Gummi sefur enn.

Jæja, Takk fyrir að lesa þetta þið sem gerðuð það og endilega kvittið.

Ps. Það eru bara 4 dagar þangað til ég fer suður JIBBÝ

 

 

Djöfull er neðri hæðin

orðin flott. Hehe Gummi á sko alveg mikið hrós skilið hann er búinn að standa sig mjög vel  Hann er langt kominn með parketið og þetta kemur sko alveg geggjað vel út Núna get ég farið að sofa niðri bara mikið rosalega hlakkar mig til

Jólin eru á næstu grösum og einungis 11 dagar þangað til ég fer suður  Ohh mig hlakkar svo til er samt bara búin að kaupa 2 jólagjafir en er búin að ákveða eina í viðbót eða handa Mömmu og Pabba  Mig er farið að hlakka svo til jólanna ég bara get ekki beðið er líka búin að vera geggjað dugleg í dag var að vinna til 6 og er bara rosalega orkumikil. Ætla samt ekki að leggjast upp í sófa því þá er voðinn vís. Reyni kannski að mála loftið í dag eða kvöld réttara sagt.

Ég er búin að vera alveg rosalega aum í skrokknum í dag hef legið einhvað illa og finnst ég öll vera í vöðvabólgu. En jæja ætla að fara að elda handa kallinum mínum Bæjó :)

ps. Jólahlaðborðið var mjög gott nema ég varð bara mikið veik  en maturinn var æði

15 Dagar jibbý

Jæja nú er maður farinn að telja niður og það eru 15 dagar þangað til ég fer suður og mig hlakkar svo til að fá að knúsa familinu.  í dag fór ég að vinna klukkan 9 og var að vinna til klukkan 7 fór og keypti mér líka jólaföt í dag er sko að fara á jólahlaðborð á laugardaginn Með vinnunni það verður ábyggilega rosa fjör hehe . Er að vinna á Laugardaginn til klukkan 4 og svo þarf ég að vinna frá 5 til 6 á Sunnudaginn :) og svo er ég í fríi næstu helgi og svo er ég bara farin suður helgina þar á eftir  En jæja núna bara nenni ég ekki að blogga meira see ya :)