Meira blogg meira blogg

Gott og blessað kvöldið  Jæja nú er helgarfríið mitt búið og þá tekur við önnur 2 vikna törn  Ohh hvað ég þoli þetta sko ekki. En annars er bara allt gott að frétta af mér er sko búin að vera að laga til í allan dag þá á ég sko við bara jólhreingerning ég er búin að henda alveg slatta miklu Geðveikt dugleg hehe. Er búin að þurrka af öllu og skúra allt saman ohh maður verður svo stoltur af því sem maður gerir :)

Lilla er bara búin aðvera góð voða hjálpleg eins og vanalega held að hún sé að reyna að segja mér að hætta í tölvunni kom aðeins að skoða og svo dró hún bara músina niður hehe

Meira blogg næst see ya all

1. Desember

Jæja þá er fyrsti í aðventu á morgun  Alveg kominn tími á að fara í að setja jólaljósin í gluggann. Er reyndar búin að ætla að gera það síðan síðustu helgi  Er bara alltaf svo þreytt þegar ég kem heim úr vinnunni.

En ég er búin að vera í fríi í dag og er sko búin að gera slatta sko  Aðalega að eyða peningum samt  Hehe en það er svona að vera ég búin að eyða sirka 30.000 + 15.000 sem ég skuldaði Mömmu og pabba. En í morgun vaknaði ég klukkan 9 en lagðist upp í sófa og vaknaði ekki fyrr en Svava hringdi í mig í morgun og bað mig að koma yfir í kaffi og það var sko klukkan 12  Svo fór ég yfir til hennar og stoppaði þar í svona 2 tíma fór svo heim að vekja Gumma og við fórum að eyða peningum og svo komum við heim aftur en hann fór niður að vinna og ég í eldhúsið. Bakaði Lakkrístoppa og svo eldaði ég pulsupasta en náttla snillingurinn ég fattaði það þegar ég var eiginlega tilbúin með allt að ég gleymdi PASTANU svo að ég varð að henda því í pott og sjóða  Ég er sko margbúin að segja Gumma að hann á ekki að leyfa mér að koma nálægt eldhúsinu nema til að laga til

Næstu helgar verða alveg vel bókaðar hjá mér sko næstu helgi þá er ég að vinna og að fara á jólahlaðborð og helgina þar á eftir fer ég líka á jólahlaðborð en verð ekki að vinna  Og svo helgina þar á eftir þá er ég sko bara stungin af suður  Ætla sko að eyða jólunum með fallegu fjölskyldunni minni fyrir sunnan

En jæja ég veit eiginlega ekkert hvað ég á að ljúga meira í ykkur ætla að fara að hengja upp jólaljós og þrífa hehe BÆJÓ

28 Nóvember 2007

Úff hvað tíminn líður hratt! Maður er varla búinn að koma sér framm úr á morgnana og þá er maður kominn upp í rúm aftur :( Alveg hreint ótrúlegt og pirrandi líka. Mér finnst ég vera að vinna svo mikið að ég á mér sko ekkert líf utan vinnu. Þegar maður kemur heim eftir vinnu þá byrjar maður á því að elda, borða og ganga frá, Svo eftir það er kannski smá tími til að horfa á einn þátt eða fara í tölvuna svo er það bara sturtan og svo upp í rúm.

Nú á ég frí um helgina og þess vegna ætla ég bara að krossa puttana og vona að ég fái útbogað á föstudaginn ( ætla mér sko upp á Egilstaði og kaupa jólagjafir) Veit ekki alveg hvort ég fer með Gumma eða Svövu og Þuríði. En ég ætla sko að njóta þess að vera í fríi  

Neðri hæðin gengur ágætlega, en eins og er þá þarf ég að fara út til að fara í sturtu vegna þessa að Gummi er búinn að taka stigann, Gæti kannski prófað að hoppa niður en ég held samt ekki  Gummi er svo að klára að einangra þar sem stiginn er og þá er einangrunin búin  Pabbi hans Gumma ætlar að reyna að koma um helgina og hjálpa honum og þá eru herbergin eftir eða svo sem klára að mála og leggja parket ( stefnum á það að klára það fyrir jól ) Og þegar það er tilbúið þá verður strax orðið rýmra um okkur hérna. Svo eftir áramót verður farið í að taka þvottahúsið og baðið setja sturtuna upp og þvotttarhús niður :) En jæja kveð í bili BÆJ'O

Blabla

Jæja það er nú kannski best að reyna að baskra einhvað við að blogga meira. Þó að það lesi þetta sko enginn :( En allavega helgin er nú víst búin  og þá tekur við 2 vikna törn í vinnunni, ohh ég þoli þetta sko ekki en ætla samt að láta mig hafa það fram yfir áramót.

Ég og Gummi erum búin að ákveða að vera fyrir sunnan um jólin þannig að það verður mjög gaman, er meira að segja búin að fá frí í vinnunni eða svona næstum því, - á bara eftir að spyrja Zögu um að skipta við mig  Er samt alveg nokkuð viss um að hún segir JÁ hehe.

Það er eiginlega alveg hellingur að gera hjá mér núna bara á næstunni, er að fara að vinna á morgun og verð til 7 og þá get ég farið að mála herbergið niðri Gummi er sko búinn að grunna ( sem betur fer því lyktin af því er alger vibbi ) en svo á Miðvikudaginn þá fæ ég að losna úr vinnunni klukkan 2 til að fara upp á Egilstaði og segja mig úr einum lífeyrirsjóði er alveg í 3 sko sem er allt of mikið  Svo ætla ég að reyna að hafa það gott ( reyna að fá tengdamömmu til að bjóða mér í mat :) Síðan er ég náttla að vinna um helgina en svo er ég í fríi helgina þar á eftir og ætla að reyna að fara upp á Egilstaði og kaupa jólagjafir ( er sko að fatta að það er allt eftir ) en svo helgina þar á eftir þá fer ég á jólahlaðborð með vinnunni og líka helgina þar á eftir þannig að það verður nóg að gera.

Ætla að reyna að fara suður 21 Des og vera til 26 Des þannig að mig hlakkar mikið til að hitta allt fólkið mitt En jæja er þetta ekki orðið gott í bili ég skal reyna að finna upp einhverjar vangaveltur fyrir næsta blogg þannig að ég segi bara pass á eftir efninu :) Þetta segir alltaf ein kona sem pantar hjá okkur :) hehe bæbæ

Meira blogg

Góðann og blessaðan daginn :) Hvað segið þið gott?

Ég er núna loksins búin að kaupa mér nýja tölvu er sko búin að vera tölvulaus lengi úff þetta er erfitt en það fyndna er að svo þegar maður er kominn í tölvuna þá veit maður ekkert hvað maður á að gera. Annars er eiginlega ekkert nýtt að frétta af mér  það gerist aldrei neitt hjá mér.

Húsið gengur nokkuð vel, Gummi á sko alveg hrós skilið hann er búinn að standa sig mjög vel  Núna á bara eftir að mála og setja parket í hjónaherbergið niðri. Ég nenni samt varla að blogga meira um þetta ætla bara að blogga um lífið og það sem ég er að hugsa.

Bíómyndir: Hef verið að spá í því með bíómyndir, það er svo fyndið að þegar kvennfólk vaknar þá er það bara málað og allt vildi að það væri svona hjá mér. Myndi bara vakna með málinguna á mér og hárið slétt og flott.

Æji ég nenni þessu ekki ætla að setja inn myndir :)

Hitt og þetta :)

Maður er alltaf jafn lélegur í blogginu. þegar ég er í vinnunni eða einhvað þá er ég sko búin að gera fleiri fleiri blogg í huganum en svo dettur allt út þegar maður kemst í tölvuna  En ég ætla að reyna að blogga einhvað. Ég hef eiginlega ekkert gert annað en að vinna og hanga heima´hjá mér síðustu daga. Dagurinn gengur alltaf eins fyrir sig maður vaknar, gerir sig tilbúinn fyrir vinnu fer í sturtu og svona svo fer maður í vinnu og er ekki búinn þar fyrr en 6 eða 7 og þá fer maður bara heima að laga til, elda og horfa á sjónvarpið og svo gengur þetta eins og helgar maður kannski reynir að gera aðeins meira þá  

 Tannlæknar:

Ég hef verið að spá í einu sko ég fór til tannlæknis í skoðun og það kostaði mig bara 9000 krónur svo var gert við eina tönn og það kostaði mig bara einar 13000 krónur þetta er sko bara glæpur og ekki nóg með það þá á ég eftir að fara einu sinni enn og það verður ábyggilega annar 13000 krónur úff ég fæ sko bara hausverk við að hugsa um þetta. Það sem fer líka mest í taugarnar á mér er það að maður er að borga allan þennan pening fyrir að láta pína sig, mér finnst að tannlæknar ættu þó að fara að bjóða upp á fótanudd á meðan það er verið að gera við. Og það væri að sjálfsögðu inn í verðinu.

Hundar og mannfólk:

Var svo að hlæja að því um daginn þegar það var rigning úti og Lilla var ekki alveg sátt við að fara út svo að við bara drógum hana út ( ekki viljum viðað hún pissi inni) En svo þegar hún kom inn þá bönnuðum við henni að fara alla leiðina inn vegna þess að hún var BLAUT. Hvað ætli hundar hugsi eignlega um okkur mannfólkið við erum ábyggilega mjög miklar furðuverur.

Og eitt sem ég vil koma á framfæri: lýsi þarf ekki að geyma í kæli fyrr en eftir opnun og hana nú :)

Takk fyrir mig. Ég skal lofa að skrifa meira næst þegar mér dettur einhvað í hug :)

Ég stend mig sko ekki í þessu

Segist ætla að blogga mikið og allt en geri það aldrei ég er alveg ömulegur bloggari. En ég held samt að það lesi þetta enginn nema Mamma  

Mig er farið að langa svo að fara í einhvað frí ég er eiginlega alveg að klepra á þessu litla Íslandi samt held ég að Ísland sé alltaf best   Ef einhvern langar til að bjóða mér í heimsreisu þá er það vel þegið. :)

En ég fór suður um síðust helgi og keypti mér nýja myndavél, uppvöskunarvél og svo margt annað dót er samt strax farin að sakna allra heima  En stefni á að kíkja suður fljótlega aftur kannski kemur bara einhver til mín  

Ég og Gummi ætlum að kíkja á reyðarfjörð í fyrramálið og svo er ég að vinna um helgina :) En jæja ætla að fara að setja inn myndir Bæjó

Stína litla fór á sjó Með pabba sínum

Þetta lag er ég búin að vera með á heilanum í 3 daga núna og ég er að verða geðveik þetta bara spilast aftur og aftur og aftur heilinn minn er ábyggilega stilltur á replay.

Hehe en allaveg ég ákvað að koma með annað blogg svona til tilbreytingar. Í gær var ég í alveg þvílíku flippstuði og var alveg að flippa út í vinnunni en kom svo heim og þreif til hjá mér.

Mér hlakkar alveg ólýsanlega mikið til þegar við erum búin með húsið eða svona það mesta hehe.

En allaveg ég var að vinna til klukkan 6 í gær og það var bara fínt, það var reyndar svoldið mikið að gera en það er bara betra enda var tíminn mjög fljótur að líða. Humm, Ég og Gummi ætlum að reyna að fara í ferðalag næstu helgi en það er svona spurning hvort við förum eða hvað :) En jæja núna ætla ég að fara í sund svo fer ég að vinna og svo fer ég heim að baka pizzu.

Og endilega þið sem lesið þetta viljið þið kvitta

Verslunarmannahelgarblogg

Úff ég verð að viðurkenna það að ég er sko alls ekki nógu dugleg að blogga. Hef reyndar pínu afsökun vegna þess að við erum búin að vera tölvulaus svo lengi en hún er samt ekki nógu góð.

Núna eru Mamma og Pabbi farin  Þannig að ég og Gummi erum ein eftir í kotinu. Gummi er að fara að vinna á morgun.

Ég og Gummi erum að fara í ferðalag næstu helgi ætlum að kíkja norður reyna að fara í síðasta tjaldferðalag sumarsins og mig hlakkar svo mikið til

Á ég kannski að segja ykkur smá frá þessari viku sem Mamma og pabbi voru hér. Ég er reyndar búin að vera að vinna mikið þannig að ég hef ekki eytt það miklum tíma með þér en ég hef fengið öll kvöld og svo Sunnudaginn og Mánudaginn. En á þessari viku erum við alveg búin að gera slatta fórum rúnt á Vaðlavíkurheiði fórum samt bara upp og horfðum yfir held að Mömmu og pabba hafa þótt það gaman. Á Sunnudeginum fórum við eða ég Mamma og Gummi fóirum á brennuna og sollis það var bara mjög gaman. Ohh ég er svo ekki að nenna þessu það kvittar aldrei neinn hér þannig að maður missir áhugann á að blogga þannig að þetta er nóg í bili.

 

Fyrirgefiði

 Ég veit að ég er alveg hrikalega léleg í að nenna að blogga en ég kem með eitt núna en ætla eiginlega bara að blogga um helgina. Ég og Gummi fórum í víkina og það var bara æði og ég drakk ekki einn áfengan sopa alla helgina:) Var sko alveg rosalega stolt af sjálfri mér fyrir það. ( Sór þess eið að drekka ekki næst þegar ég færi þangað vegna þess að ég varð svo þunn síðast) En allavega þá komum við í víkina á föstudaginn um klukkan 7 og vorum bara að spjalla og svona svo um kvöldið fórum við í heita pottinn og það var sko algert æði. Tókum líka smá rúnt þarna um kvöldið.

Á laugardaginn vaknaði Gummi alveg eldsnemma þar sem hann varð að fara að vinna en ég og Lilla vorum eftir í víkinni og það var bara alveg helling að gera. Við fundum alveg eldgömul tímarit vikuna og séð og heyrt og vorum að glugga í það og svo var Lilla eiginlega bara í því að hlaupa um henni fannst það algjör draumur í dós að fá að vera laus og maður þurfti sko engar áhyggjur að hafa af henni hún klóraði bara alltaf í hurðina þegar hún vildi koma inn.

En svo um 7 leitið kom Gummi aftur og þá grilluðum við og svo vorum við bara að spjalla um kvöldið svo fór ég, Gummi og Garðar í pottinn og það var bara æði var varla að tíma að fara upp úr en var komin upp úr um hálf fimm  og þá var náttla farið bara beint upp að sofa.

Á sunnudaginn varð ég svo náttla að vakna eldsnemma til að fara út með Lillu og svo gat ég ekkert sofnað aftur og ég er ennþá vakandi, dottaði reyndar pínu í bílnum á leiðinni heim. En við lögðum af stað um 18:00 og þá held ég að ég sé búin að segja nóg frá helginni.

En svo er bara stefnan á að reyna að fá afhent á morgun. Er reyndar að fara í blóðprufu í fyrramálið en svo þurfum við ábyggilega að fara upp á Egilstaði og ná í kerruna svo verður bara komið heim og PAKKAÐ. En nóg í bili bið að heilsa.

Ps: Kalli, kolla og krakkarnir ætla að koma núna í Júlí og ég get ekki beðið eftir því. Þau ætla að reyna að vera í viku.