Að komast aftur í barnæsku.

Sko ég er skrítin skrúfa vegna þess að þegar ég vakna um morgnana um helgar þá kveiki ég alltaf á sjónvarpinu og horfi á skrípó, eða allavega hlusta á það eins og núna  Eins og er þá er ég nú barnapía er að passa hana Töru hund Garðars og Freydísar en hún Lilla mín er ekkert sérstaklega sátt við þetta . Ég er að fara að vinna á eftir frá 12 til 3 og mig hlakkar ekkert sérstaklega til. Er að spá í að fara að þrífa bílinn minn á eftir því það er svo mikið salt á honum eftir vonda veðrið um daginn. Svo var líka planað hjá mér að fara í blómabúðina athuga hvort ég finni einhvað spennandi þar. Á sko gjafabréf þar. Fór til læknis um daginn, yfirmaður minn rak mig vegna þess að ég er alltaf með hausverk, svo að litlan ég pantaði tíma og fékk bara tíma samdægurs. Mér fannst samt bara læknirinn hlæja að mér að vera að koma með svona smávægilegt eins og hausverk á hverjum degi. En ákvað samt að senda mig í myndatöku og það var tekin mynd af hausnum á mér fæ að vita úr því á Þriðjudaginn. En þó að læknirinn sagði að þetta væri ábyggilega bara venjulegt þá er ég samt smá smeyk um að einhvað muni finnast sem ekki á að vera.

Á morgun er ég að vinna frá 12 til 6 og mig hlakkar ekki mikið til. Ég er orðin svo leið á þessu. Allavega veseninu í kringum helgarnar og kvöldin. En jæja blogga kannski meira í kveld. Bless bless elskurnar mínar og munið gangið hægt um gleðinnar dyr og ekki hlaupa í búðum :)

Leiðindarpest.

Þá vitum við það að sjálfsstyrkurinn er ekki nóg til að fá ekki pest. Byrjaði í gær í vinnunni að vera með leiðindar hausverk en tengdi hann við vöðvabólgu. Kom svo heim og fór að verða slöpp en bjó mér til engiferte, fannst ég vera að lagast fór út að labba með Lillu í 10 mín en þegar ég kom til baka þá var ég svo slöpp að ég fór bara beint að sofa. Vaknaði svo í morgun með þann versta höfuðverk sem ég hef fengið og var bara drulluslöpp og tilkynnti mig því veika í vinnuni. Mér líður eins og ég sé bara aumingi. Af hverju þarf ég að ná í hverja einustu pest sem gengur? Á meðan aðrið verða veikir einu sinni til 2 á ári. Kannski gerir maður bara meira úr sínum veikindum ég veit ekki. En nóg um það.

Námið gengur vel og fékk ég 9 fyrir fyrsta uppeldisfræðiverkefnið og já ég er mjög stolt af sjálfri mér.  Svo dreif ég mig í gær að skila verkefnabókinni í uppeldisfræði en svo í dag gaf hún öllum frest þangað til á Mánudaginn. Og Dísin náttla búin að skila.

Lady vallí er víst mjög dugleg að heimsækja gömlu kerluna en það er víst alveg stórhættulegt að fá hana í heimsókn allavega skilst mér að hún girnist mjög hurðarhúna hjá fólki  Eins gott að fara að festa húninn sinn vel. Ef hún skildi einhverntímann eiga leið austur á land  Annars veit ég ekkert hverju ég á að ljúga meira að ykkur.

Bjó til heimsins besta kvöldmat í gær. Fer oft á kaffihúsið og fæ mér crepes og ákvað að prófa að búa til sollis heima. Keypti bara svona fajitas pönnukökur, sauð hrísgrjón og steikti beikon. Svo blandaði ég saman hrísgrjónum, beikoninu, pepperoni og maísbaunir og lét inn í pönnukökuna og svo lét ég e finnson grænmetissósu inn í. Og held ég hafi fengið nokkuð gott hrós frá Gumma allavega sagði hann að þetta væri betra en á kaffihúsinu.

En jæja nenni ekki að blogga meira bæjó.

ps. Lady vallí eins gott að það er ekki hurðarhúnn á bloggsíðunni minni...

Þið megið velja fyrirsögn :)

Jæja þá er komið að blogginu sem margir hafa beðið eftir. Margir héldu víst að ég ætlaði að sofa yfir veturinn, en það var ekki hægt að klóna mig, maður verður víst að vinna þegar það er kreppa að ganga yfir Ég tala ekki um annað en kreppu núna haha. Var að stríða Gumma í gær, hann kom svangur heim úr vinnu og eins og vanalega var húsfreyjan ekki búin að elda ofan í karlinn sinn svo hann fékk sér bara cherrios, en húsfreyjunni fannst hann nota einum of mikla mjólk og sagði því þessi ódauðlegur orð, - Ekki nota svona mikla mjólk veistu ekki að það er kreppa í gangi... Haha þetta er svona...

En líklegast þar sem margir voru farnir að vilja fá blogg er best að koma með einhverjar smá lýsingar á þessu lífi manns.  Vikan er bara búin að fara í þetta venjubundna vinna, sofa og Skíta mikið :) Fór að taka mataræðið í gegn og tók út allt nammi og sætabrauð og fæ mér alltaf nupo létt einn ávöxt og kaffibolla í morgunmat. Eftir þessu breytingu er ég bara búin að vera á skítstofunni, Algjör úthreinsun í gangi sko. Það er ein sem er að vinna með mér og við erum í þessu saman og á Föstudaginn þá stakk hún nammi upp í sig og ég var sko ekki sátt en hún hrækti því strax út úr sér en svona er þetta, maður étur og étur og spáir ekki einu sinni í það sem er að fara ofan í mann.

Rigningar suddi er búinn að vera að fara yfir Austurlandið og ég held að það sé búið að rigna hérna síðan ég kom heim af ljósanótt  Þessir Sunnlendingar hafa greinilega fest rigninguna aftan á vélina þegar ég sá ekki til. Ég hef sko nokkra grunaða. Skamm skamm skammm.

Nýju gleraugun hafa gert ljómandi lukku og öllum finnst ég voða sæt með þau  Reyndar ætlaði ég að fara í dag og láta stilla þau en þá var farið að hafa lokað í Birtu á Laugardögum þannig að það varð fíluferð sem varð ekki lengi því ég var búin að vera með svo mikinn hausverk að ég vildi bara komast heim og leggja mig. Vorum komin heim um 3 leitið og ég ætlaði að leggja mig í svona klukkutíma en Nei, Dísin vaknaði klukkan 18:00 en jæja ég rak því bara karlinn á heimilinu í að henda bayone skinkunni í pottinn. Svo náði ég að laga vel til hérna tók allt og ryksugaði og skúraði og er sko geggjað stolt svo skipti ég um á búrinu hennar Lillu :) Ég er Hörkukvendi sko...

Jamm og jæja veit ekki alveg hvað ég hef meira skemmtilegt að segja ykkur. Set kannski inn myndir af ljósanótt :) Elska ykkur öll. Bless í bili :)

 

Mamma náði víst að klukka mig :)

1. 4. störf sem ég hef unnið

Verslun

Flugeldhús

Leikskóli

Bæjarvinna

2 . 4 Myndir sem ég hef séð

Pretty woman

Sound of music

Grease

Corrina Corrina

3.4. Staðir sem ég hef búið á

Innri Njarðvík

Keflavík

Ytri Njarðvík

Neskaupsstað

4.Sjónvarpsþættir sem mér líkar

allir elska Raymond

House

Ewerwood

October road

5.4.Staðir sem ég hef heimsótt í fríum

Keflavík

Danmörk

Egilsstaðir

Florida

6.4. Síður sem ég skoða daglega fyrir utan blogg

Mbl.is

Flickr

Vísir.is

Facebook

7.Fernt sem ég held upp á matarkyns

Kjötsúpa

Plokkfiskur a la Óla

Pizza a la Gummi

Steiktur fiskur a la Valur

8.4.bækur sem é hef lesið oftar enn 1 sinni

Fugl í búri

Sunna þýðir sól 

Draumaráðnig  1

Draumaráðnig  2

9.4 bloggarar sem ég klukka

Gerður Ósk

Svanhildur

Mamma er samt búin

Og lady Vallý :)

Ljósanæturævintýrið á enda.

Jæja, þá er komið að lokum þessara ljósanætur ætla að segja frá henni.

Föstudagur: Var að vinna til klukkan 6 fór þá beint heim fór úr vinnufötunum og svo var leiðinni haldið til Egilstaða. Þar voru tvíburarnir Benedikt Árni og Oddný Edda þau töluðu alveg helling við okkur Gumma en svo varð Gummi að fara að vinna. Ég varð eftir og Sveina tengdamamma var að hjálpa mér á kennsluvefinu og fann loks út hvernig ég átti að ná í verkefnin. En svo keyrði Jóhann tengdapabbi mig út á flugvöll. Ég lenti í Reykjavík um klukkan 22:00 þar biðu frænkur mínar Svanhildur og Sigga eftir mér Takk æðislega fyrir að sækja mig frænkur.  En svo var leiðinni haldið beint suður til Keflavíkur og  þar hitti ég hana móður mína en þar sem við mæðgur vorum báðar orðnar mjög þreyttar eftir erfiðan dag þá var farið snemma að sofa.

Laugardagur: Vaknaði um 8 leitið og fór í sturtu og svo keyrði Mamma mig til Geira bróðurs þar hitti ég Maríönu og Aseneth líka og það var svo gaman að hitta þau aftur. Og hún Maríana mín er orðin svo stór  En svo einhvað um hádegi hringdi Berglind og bað mig um að sækja sig. Geiri bróðir var svo æðislegur að lána mér bílinn sinn sem ég mátti hafa bara og það var alveg æðislegt. Svo hafði ég samband við Heiðu systir Gumma og ég náði í hana upp á flugvöll og hún kom með mér og öllum hinum að labba út í bæ. Svo keyrði ég hana heim og fékk að sjá hjá henni íbúðina.  Svo skutlaði ég Berglindi heim og fór í mat til Geira þar fékk ég ofnbakaðan laxarétt. Svo eftir matinn hringdi ég í Heiðu og dró hana með mér út í bæ. Þar var náttla alveg helling um að vera og við biðum eftir flugeldasýningunni og svo fórum við heim til Geira bróðurs að ná í Lillu. Stoppuðum þar í smá stund og fórum svo og ég gerði tilraun til að kaupa mér nammi í 10 11 en mér hefur ekki verið ætlað að fá nammi þar. Segi ykkur frá því seinna. Svo keyrði ég Heiðu heim og fór að sofa.

Sunnudagur: Vaknaði um 11 fór smá stund í tölvuna og svo heim til Geira. Var þar að leika við Maríönu en svo þurfti Aseneth að fara að vinna en ég Geiri, Maríana og Lilla fórum á rúntinn. Kíktum til Rögnu ömmu og sollis. Svo þegar rúnturinn var búinn þá fór ég heim og gerði verkefnið í uppeldisfræði. Þangað heim kom Berglind og þá ákvað ég að hafa smá stelpukvöld prófaði að hringja í Heiðu og athuga hvort hún vildi borða með okkur en hún þurfti svo mikið að læra  En ég Berglind og Thelma lind pöntuðum okkur pizzu og borðuðum hana og fórum svo heim til Geira. Stoppuðum þar í smá stund en svo keyrði ég Berglindi heim og svo Thelmu stoppaði smá stund heima hjá Kalla og Kollu fór svo og náði í Mömmu og við kíktum á Stínu fínu Svo var haldið af stað heim á leið. Og núna sit ég hér og blogga .

Ætla að láta eina fyndna sögu með.

Geiri bróðir sat í tölvunni og prumpaði all svakalega og sagði svo Ásdís ég myndi færa mig en ég sagði - Nei, Ég geri það bara þegar lyktin kemur. Svo stuttu seinna er ég að skoða sjampóið sem ég keypti handa Lillu og var að þefa af því og sagði svo - Umm, hvað það er góð lykt af þessu, Aseneth viltu finna. Og Geiri var fljótur að snúa sér við. Hélt að prumpulyktin væri komin til mín  Hahaha 

Bíódaga helgi.

Góðann daginn. Var svo upptekin í gær að ég hafði engan tíma til að blogga í gær. Fyrirgefðu mér Mamma  En ég skal sko bæta þér það upp núna með góðu bloggi.

Nú ætla ég að segja frá helginni eða allavega það sem er búið af henni.

Föstudagur: Vaknaði, átti að labba í vinnunna í grenjandi rigningu þar sem Gummi var með bílinn. En ég var svo heppinn að æðislegi nágranninn minn hún María lind var að fara einhvað þannig að hún keyrði mig og sagði að hún léti mig sko ekki labba. Takk æðislega María Lind mín.  En svo var ég að vinna til klukkan 6 og já það var bara gaman í vinnunni, mér finnst alveg æðislegt að vera búin að fá Elínu mína og Þrúðu til baka. Þegar vinnan var búin þá fékk ég far hjá Siggu minni heim vegna þess að ég náði ekki í Gumma og hélt hann væri bara sofandi en svo kom ég heim og enginn bíll og ég hringi í Gumma og spurði hvar hann væri eiginlega og er hann þá ekki bara inn í Samkaup að sækja Elskuna sína. En í staðinn keypti hann bara góðann mat eða lambasneiðar og það var ofsalega gott. En eftir matinn lögðumst við upp í rúm og ætluðum aðeins að loka augunum en Gummi minn steinsofnaði en ég horfði á myndina sem hann ætlaði að horfa á sem heitir i spy og hún var nokkuð góð.  En svo fór ég bara snemma að sofa.

Laugardagurinn: Vaknaði mjög snemma og við Gummi kúrðum smá stund og ég sofnaði svo aftur og vaknaði ekki aftur fyrr en klukkan um 11 og rauk í sturtu hálf sofandi. Svo vaskaði ég upp en svo fórum við Gummi að finna skólabækur. Fórum í tónspil og við fengum nokkrar bækur þar en svo var leiðinni haldið upp á Egilstaði. Komum reyndar við í Byko á Reyðarfirði og hittum svo Garða og strákana á Olís á Reyðarfirði þeir voru að fara á Höfn að sækja Freydísi og litlu prinsessu. Ég spurði Pál helga hvað hann vildi fá í afmælisgjöf og hann sagði transformer grímu eða hjálm. Ætla að sjá hvort ég finni það eða bara einhver fín föt á strákinn minn.

Svo byrjuðum við Gummi á að fara í office og kaupa restina af bókunum svo kíktum við inn í Bónus og keyptum í pylsupasta og senseokaffi út mánuðinn. Svo bauð ég Gumma á Subway og byrjaði þar að fá alveg geggjaðislegan hausverk en við kíktum samt til tengdó og fórum í kaffi þar og fengum sultur. En svo langaði mig svo að kíkja í Samkaup þar og skoða og það er orðið alveg geggjað flott. En þar sem hausverkurinn versnaði og versnaði bara þá var bara farið á hraðferð heim. Þegar heim var komið tók ég inn 2 panodil og Samarin þar sem mér var orðið flökurt líka og mér varð alveg ískalt þannig að ég lá í sófanum með teppi og sæng og steinsofnaði þar og vaknaði um hálf átta. Þá horfðum við Gummi á allar myndirnar sem voru á stöð eitt fórum reyndar smá ísrúnt eftir egyptalands myndina ( Vallý mín þú varst með í huganum á ísrúntinum ) En svo horfðum við á restina af myndunum og horfðum svo á eina til viðbótar sem heitir Ameriacan Crime og vá hvað hún var spennandi en samt þurfti maður sko að vera með tyssjú og reiðin blossaði líka upp. Mæli alveg með þessari mynd en ekki fyrir ofurviðkvæma. En svo var haldið í bólið.

Sunnudagur: Vaknaði um 9 og ákvað að fara bara á fætur kveikti á sjónvarpinu og horfði á skrípó. Hvað þetta er svo notarlegt. En dottaði yfir því en nú sit ég hér og blogga og hlusta á tónlist. En jæja fer að láta þetta duga í bili. Ps. 5 dagar þangað til að ég kem suður

Smá update

úr lífi mínu þó það sé ekki mikið sem gerist í mínu lífi. Mig dreymdi skrítinn draum í nótt á eftir að segja Mömmu frá því þegar hún hringir í mig.

Ég komst inn í fjarnámið og mig hlakkar geggjað mikið til. Það byrjar í þessari viku. Reyndar tók ég upp 103 og ísl 212 og ég held að ég eigi allar bækur sem ég þarf að nota. Gummi er líka búinn að skrá sig þannig að við verðum kannski rifist um tölvuna  Annars er ég ekki í miklu bloggstuði núna er einhvað svo geggjað þreytt og ætla bara að henda mér í sturtu og fara svo að sofa  Svo er ég eiginlega búin að ákveða að fara suður um ljósanótt. Ætla sko að fara með Heiðu hring um bæinn minn. Gamla...

Árið 2008

Þú veist að það er 2008 ef.....



1. Þú ferð í Party og byrjar að taka myndir fyrir bloggið þitt.


2. Þú hefur ekki spilað kapal með alvöru spilastokk í nokkur ár.

3. Ástæðan fyrir því að þú ert ekki í sambandi við suma vini þína er af því
þeir eru ekki að blogga, ekki á MySpace og eða á Facebook .

4. Þú leitar frekar um alla íbúð af fjarstýringunni í stað þess að ýta bara

á takkann á sjónvarpinu.


6. Kvöldstundir þínar snúast um að setjast niður fyrir framan tölvuna.

7. Þú lest þennan lista kinkandi kolli og brosandi.


8. Þú hugsar um hvað það er mikil vitleysa að lesa þennan lista.


9. Þú ert of upptekin/nn að taka eftir  númer fimm.




10. Þú virkilega skrollaðir tilbaka til að athuga hvort þar væri númer fimm.

11. Svo hlærðu af heimsku þinni.


12. Sendu þetta á vini þina, settu þetta á bloggið þitt eða komdu þessu á framfæri einhverstaðar EF þú félst fyrir þessu... Aha ekkert svona fyrst að þú féllst fyrir þessu.


Sendu þetta á vini þina, á bloggið þitt eða komdu þessu á framfæri einhverstaðar innan 2 mínútna og 14 sek eða minna og morgundagurinn þinn verður besti dagur sem þú hefur upplifað .. hingað til!

En, ef þú bíður of lengi,mun það ekki skipta neina því hverjum er ekki sama svona lista ... En
vinir þínar munu missa af frábæri skemmtun

 

Setning dagsins er!

Ég ætla að fara að ná í tusku og blautt vatn.  hef ekki oft heyrt um þurrt vatn. En þessa setningu lét ég út úr mér í morgun þegar ég missti niður jógúrt og var að þurrka upp með tyssjú en það gekk ekki nógu vel.

Lífið gengur sinn vanagang var að vinna í dag til klukkan 6 og ætla svo bara að hafa það kósý hér heima í kveld. En jæja blogga meira seinna :)

Það er sko allt annað að sjá mig núna :)

 Svava var að lita á mér hárið. Geggja flott. Annars er lítið búið að gera hjá mér núna nema vinna. Held það sé það eina sem ég geri.

Var samt að spá í einu sko ég var í vinnunni í gær og var að fylgjast með 2 strákum sem voru einhvað að leika sér og þá fór ég að hugsa. - ohh hvað ég vildi að ég væri svona ung, þyrfti ekki að hafa áhyggjur af neinu og geta bara verið barn og hafa það svo gaman. Þurfa bara að laga til í sínu herbergi og so on og on. En ætli þeir hafi ekki verið að fylgjast með mér og hugsa - ohh hvað ég vildi að ég væri orðinn fullorðinn, gæti keypt það sem mig langar í, það yrði enginn útivistartími, og byrja að vinna. Hehe Svona hugsaði ég allavega þegar ég var barn. Og svona hugsa ég þegar ég er fullorðin.  Svo grasið er ekki alltaf grænna hinum megin.

Annars vaknaði ég klukkan 7 í morgun og fór svo að vinna klukkan 8 var svo að vinna til klukkan 6 og fór þá heim að láta lita á mér hárið. Svava og Guðrún systir hennar komu hérna og við hlógum alveg geggjað mikið. En jæja fer að láta þetta duga í bili. Ætla að fara að koma mér í bólið. Góða nótt...