Mér er svo kalt.

Vill einhver koma og hlýja mér

Annars er helgin búin að vera rosalega góð hjá mér. Gummi vaknaði um klukkan 7 eða einhvað á Laugardaginn og ég vaknaði um 9. Vorum svo bara að hangsa hér heima, ég gerði verkefni fyrir sálfræðina. Gerði verkefni um karl sem heitir Rousseau. Það er eitt alveg rosalega undarlegt með hann, hann eignaðist 5 börn en fannst hann ekki vera góður pabbi þannig að hann gaf öll börnin sín á munaðarleysingjahæli. En hann sá svo eftir því. En svo var hann að gefa út fræðirit um hans sýn á það hvernig á að ala upp börn. Þannig að hann var að segja öðru fólki hvernig á að ala börnin upp en gat ekki alið sín eigin börn upp.

En um 11 leitið ákváðum við að fara aðeins upp á Egilstaði og það var vel misskilin ferð. Við stoppuðum reyndar aðeins í Byko á Reyðarfirði þar verslaði Gummi einhvað smá en svo var haldið áleiðis til Egilstaða.

Um leið og við komum til Egilstaða var svengdin farin að segja til sín svo ákveðið var að stoppa aðeins í söluskála KHB. Þar fengum við alveg rosalega góðan mat. En þar kom fyrsti misskilningurinn upp. Við vorum nýbúin að kyngja síðasta bitanum þegar ég sé stelpu sem ég var að vinna með og ég svona heilsaði henni með HAUSNUM, en á sama tíma var verið að kalla upp næsta númer á matnum og Gummi hélt að ég væri að gefa konunni bendingu um að koma með hann á okkar borð.

Þegar við vorum orðin södd og ánægð þá var kíkt á Heiðu systir Gumma og þar fengum við kaffi og með því. Vorum þar í smá stund en ákváðum að kíkja á tengdó. Þegar við keyrðum þar að sáum við bílinn þeirra keyra í burtu en héldum að þetta væri bara Pabbi hans svo að við kíktum inn en þar komum við að tómum kofanum.  Við ákváðum því að kíkja bara í Kaupfélagið og ég komst í FÖTIN en keypti samt ekki neitt. Þegar við vorum búin að versla hringdi Mamma hans Gumma og var að láta vita að þau væru komin heim þá fóru þau á mótmælafundinn og ég sagði - hva var hann svona stuttur. Þá sagði Gummi já hann var bara stuttur hjá þeim. Svo ég varð að stríða Gumma og sagði hei ekki láta mig fá martröð. Svo sagði ég við Gumma í fúlustu alvöru sko -Mamma var ennþá í rúminu en þá sagði hann - Ekki þú láta mig fá martröð og ég er ennþá að hlæja að þessu.

En svo kíktum við á tengdó og þar fengum við pönnukökur svo að ég svindlaði smá en ég borðaði bara 2 . Tengdamamma fór að skoða í bókahillurnar og þar fékk ég fullt af bókum að lesa meira að segja bókina um Önnu á Hesteyri. En ég fékk þær að láni með því skilyrði að láta skólabækurnar ganga fyrir . En svo ákváðum við að koma okkur heim. Kíktum reyndar aðeins á Garðar, Freydísi og Pálínu Hrönn og horfðum á spaugstofuna þar en svo var haldið heim að horfa á Söngvakeppnina.  Svo horfði ég líka á Dantes peak og hún var náttla rosalega góð.

Í dag er bara búið að vera í leti. Ég reyndar er búin að þvo þvott og lesa aðeins í skólabókunum. En nú þarf ég að fara að hætta að blogga og fara í búðina. Er sko að prófa ofninn frá Kalla og Kollu núna á eftir. Ætlum að gera kjúkling. EN nóg er þetta í bili.

Hafið það gott dúllurnar mínar

Athugasemdir

[Guðrún Pálína Karlsdóttir, 18.1.2009 kl. 16:28]

Hæ elsku Ásdís mín.Það er nó að gera á st heimili.Dugleg ert þú að vera búinn að þvo þvottinn,þar einsog annastaðar á heimilinu er ég stopp.Jæja nó væl um mig haha.Gangi þér sem allra best elsku frænka.Veit að skólin hjá þér mun ganga vel hjá þér.Vertu viss

Blíðlegt birtu knús

Besta frænka haha

[Valgeir Matthías Pálsson (IP-tala skráð) 19.1.2009 kl. 16:48]

Hæ elsku Ásdís mín. Þú ert rosalega dugleg Ásdís mín. Þú stendur þig svo vel. Ég er einmitt að þvo þessa stundina. Ég þarf að þvo svona 3 þvottavélar fram á kvöld. Það verður bara ágætt. En þú stendur þig frábærlega vel í öllu því sem þú ert að gera. Það mættu margir taka þig sér til fyrirmyndar. Gangi þér áfram vel elsku vinkona og eigðu góðan dag og frábært kvöld.

Með bestu kveðju.

Valgeir.

[Guðrún Pálína Karlsdóttir, 19.1.2009 kl. 23:29]

Lángar þig aldrei að flitja suður.Kemur það aldrei í þína hugsun,bara forvitin þegar ég flutti norður þegar krakkarnir voru litlir hafði ég alltaf heimþrá.Bara við báðar eru fæddar og uppaldar hér.Ein forvitin

Blíðlegt birtu knús til ykkar

Elsku frænka mín

I love you!

[Ásdís Ósk Valsdóttir, 20.1.2009 kl. 09:23]

Jújú það kemur oft svona yfir mann að mann langi suður. En mér líður bara svo rosalega vel hérna og er umkringd svo góðu fólki. Það er líka alltaf svo mikið stress fyrir sunnan :) Er alveg laus við allt svoleiðis hérna :)

[Ólöf Karlsdóttir, 20.1.2009 kl. 19:00]

Láttu Gumma ylja  þér.Það er eins að koma inn á þessa síðu og hjá Dóru maður verð 

svangur og feitur að koma hér inn 

Ætla í smá blogg pásu og dúllast á facebook læra þar aðeins meira 

en kem og kíki hér inn af og til bæbæ mamsa og vala 

[Svanhildur (IP-tala skráð) 20.1.2009 kl. 22:31]

Hæ hæ frænka...takk fyrir kveðjuna í dag :) Bið að heilsa ykkur dúfunum